حملة «مش ساكتة»

أحد, 9 Mar, 2014

 

في طرق كتيرة لمواجهة للتحرش، جمعنا هنا بعض الأفكار فيه منها الكبير ومنها الصغير والبسيط، اختاري الي يناسبك ويناسب الموقف الي تتعرضيله، كل فعل إيجابي ناخده مهم في محاربة وباء التحرش!

التحرش والاعتداء الجنسي جريمة، مش هزار أو تهريج، التحرش مش بيضحك أو كول أو طبيعي وعادي. بالرغم من إن مفيش قوانين محددة ضد التحرش الجنسي، إلا إن في بعض القوانين الي ممكن تدين وتعاقب المتحرشين وفي حالات حصلت بالفعل أخذ المتحرش حكم واتسجن في قضايا تحرش لفظي وجسدي.

التحرش والاعتداء الجنسي مش غلطتك مهما عملتي أو لبستي مهما كان مكان أو طريقة مشيتك، التحرش الجنسي هو غلطة المتحرش الي قرر يعمل الجريمة دي ومتسكتيش لما تشوفي حد بيتحرش، السكوت سنين خلى المتحرش يفتكر التحرش ده حق ليه في أي وقت ومكان، وإنه دايما هايهرب بفعلته ومش حايجراله حاجة، السكوت ساعات بيخلي المتحرش يفتكر إنك مبسوطة بالتحرش وده بيشجعه يتطاول أكثر.

خدي موقف إيجابي عشان نقضي على الوباء ده!

الحملة تصميم: باسم يسري
http://harassmap.org/ar/meshsakta

وسوم: